Luster Austre Statsallmenning og Fortun Grunneigarlag tilbyr fiskekort og hytter i allmenningen og grunneigarlaget sitt område, denne ordninga omfattar over 50 fiskevatn og fleire småelvar.
Kortet gjeld for dei store områda Vest-Jotunheimen og Breheimen.
Fjellstyret har stått for eit omfattande kultiveringsarbeid for å halda oppe bestanden av fisk i vatna. Dette viser godt resultat, ein har fin fisk i dei fleste fiskevatna i allmenningen.
Fjellstyret har opna for garnfiske i Gravdalsvatnet sørvest for Leirvassbu for utanbygdsbuande etter utarbeidde fiskereglar. Det same er gjort for Rundhaugvatnet, Illvatnet, Øvre Grønevatn og Gravdalsvatnet i Nørdstedalen.
Det er gått inn samarbeid med fjellstyra i Lom og Vågå om eit felles fiskekort for Jotunheimen.
Fiskekort vert lagt ut for sal på inatur.no
Ein kan også kjøpe kort fysisk kort i Fortun.
Ring minst eit døgn i forkant for fysisk kort.
Det er lov å fiske med oter, stang og handsnøre.
Det er opna for garnfiske for alle med garnfiskekort i dei 2 største Gravdalstjørnene kto. 1395 og 1380.
Tjørnene ligg ved Gravdalsvegen i Luster austre statsallmenning om lag 2 km sørvest for Leirvassbu.
På kvart kort kan det fiskast med 6 garn (standard fjellauregarn) med maskevidde ikkje mindre enn 35 mm.
Kortet kan også nyttast til stang og oterfiske i heile Luster austre statsallmenning.
Alt fiske er forbode frå og med 20/09 og til og med 31/10.
Garn og landfeste skal merkast med namn og adresse.
Mellom klokka 1000 og 1600 kan ein ikkje ha garn ståande i tjørnene.
253 Terry Francois Street, San Francisco, CA 74059 | 1-800-000-0000
Copyright @ All Rights Reserved